Նախագիծ-«Վիճակագրական ցուցանիշների քարտեզագրում-սեփական ատլասների կազմում»

Նախագծի նպատակներն են

Քարտեզագրական հմտությունների զարգացում․ Սովորեցնել թեմատիկ քարտեզների հետ աշխատանքի, գունային սանդղակների կազմման և քարտեզների ձևավորման (վերնագիր, պայմանական նշաններ) կանոնները։

Թվային քարտեզագրման գործիքների տիրապետում․ Փոխանցել գործնական հմտություններ՝ հատուկ ինտերակտիվ քարտեզագրական ծրագրերից (ՀՀ-ի և ամբողջ աշխարհի համար) օգտվելու համար։

Վերլուծական հմտությունների ձևավորում․ Սովորեցնել գտնել, մշակել, տեսակավորել (սանդղակների) բաժանել վիճակագրական տվյալները։

Տարածական մտածողության և քարտեզ ընթերցելու զարգացում․ Ձևավորել քարտեզի գունային պատկերից երևույթների ընթերցում։

Նախագծի ընթացքը

Քայլ 1․ Թեմայի ընտրություն և վիճակագրական աղյուսակի կազմում

Սովորողները ընտրում են ուսումնասիրության ոլորտը և աշխարհագրական տարածքը (օր․՝ ՀՀ մարզերն ըստ բնակչության խտության կամ Աշխարհի երկրներն ըստ նավթի պաշարների)։ Հավաստի աղբյուրներից հավաքում են տվյալները և կազմում համապատասխան աղյուսակ։

Քայլ 2․ Ցուցանիշի արտահայտման սանդղակի որոշում

Վիճակագրական տվյալները խմբավորում են տրամաբանական միջակայքերի (օր․՝ 30–40 մարդ/կմ² կամ 100–200 մլն բարել)՝ ստեղծելով համապատասխան կատեգորիաներ։

Քայլ 3․ Պայմանական նշանների ընտրություն և քարտեզագրում

Քարտեզագրման ծրագրում ավելացնում են կատեգորիաները, ընտրում են համապատասխան գունային սանդղակը (մուգից բաց) և ըստ աղյուսակի ներկում քարտեզի համապատասխան տարածքները։

Քայլ 4․ Քարտեզի ձևավորում, վերնագրում և արտահանում

Ավելացնում են քարտեզի հստակ վերնագիրը, ստուգում են պայմանական նշանների ճշգրտությունը և ներբեռնում վերջնական պատկերը։

 

Ակնկալվող վերջնարդյունքները-Նախագծի ավարտին սովորողը կկարողանա․

Վստահորեն օգտվել թվային քարտեզագրման ծրագրերից,

Ճիշտ կազմել քարտեզի պայմանական նշանները ՝ կիրառելով տրամաբանական գունային սանդղակներ։

Ձևավորել սեփական թեմատիկ ատլասը՝ պահպանելով քարտեզագրական ձևավորման կանոնները։

Ինքնուրույն հավաքագրել ու մշակել վիճակագրական տվյալները

Ընթերցել թեմատիկ քարտեզի գունային սխեման և բացահայտել երևույթների տարածական տեղաբաշխման օրինաչափությունները։

Բացատրել տարբեր տարածաշրջանների միջև առկա տարբերությունների պատճառահետևանքային կապերը։

ՀՀ-ի քարտեզագրման ծրագրով աշխատելու համար պետք է ներբեռնել նյութում եղած քարտեզը։