2014/06/01

Հունիսի 5-ի խորհուրդը


Ամեն  տարի` հունիսի 5-ին, ամբողջ աշխարհը նշում է շրջակա միջավայրի պահպանության միջազգային օրը:  Հունիսի 5-ը, որպես շրջակա միջավայրի պահպանության օր, նշվում է 1972թ-ից` Սկոհոլմում տեղի ունեցած ՄԱԿ-ի գագաթնաժողովում կայացված որոշումից հետո:
  Այսպիսի որոշում ընդունելու համար հիմք հանդիսացավ  1971թ-ի մայիսի 11-ի ՄԱԿ-ի գլխավոր քարտուղարին հանձնված նամակը, որի տակ ստորագրել էին ավելի քան 2200 գիտնականներ  23 տարբեր երկրներից:  Նամակում մասնավորպես ասվում է, որ երկիր մոլորակի վրա աղտոտվածությունը այն մակարդակի է հասել, որ կամ մարդկությունը վերջ կտա աղտոտմանը, կամ աղտոտումը վերջ կտա մարդկությանը:
Վերոհիշյալ նամակի հանձնելուց  մոտ մեկ տարի անց 1972թ-ին Շվեդիայի մայրաքաղաք Ստոկհոլմում կայացավ գագաթնաժողով, որը նվիրված էր շրջակա միջավայրի պահպանությանը: Մասնակից 113 երկրների հավանությամբ հունիսի 5-ը հռչակվեց շրջակա միջավայրի պահպանության միջազգային օր:
Շրջակա միջավայրի պահպանության միջազգային օրը շատ լավ հնարավորություն է ևս մեկ անգամ մտածելու մեր շրջապատի հիմնախնդիրների մասին: Ոչ ոքի համար գաղտնիք չէ, որ արդյունաբերության զարգացմանը զուգահեռ մեծանում է շրջակա միջավայրի վրա մարդու ազդեցությունը:  Յուրաքանչյուր երկրում կան կազմակերպություններ, որոնց նպատակը շրջակա միջավայրը պահպանելն է: Այս կազմակերպությունները վերահսկում են այն բոլոր փոփոխությունները, որոնք նկատվում են բնություն- հասարակություն հարաբերությունների ժամանակ:
Աշխարհի մի շարք երկրներում հունիսի 5-ին տեղի են ունենում ամենատարբեր միջոցառումներ , որոնք նպատակ ունեն մեկ անգամ ևս մարդկության ուշադրությունը հրավիրել էկոլոգիական խնդիրների վրա:

«Մխիթար Սեբաստացի» կ/հ-ը անմասն չի մնա հունիսի 5-ի միջոցառումներից: Վաղ առավոտից սեբաստացիների նախօրոք կազմված խմբերը կմաքրեն իրենց շրջապատը, դպրոցից դպրոց տանող ճանապարհները, կանգառներն ու բակերը:



0 Մեկնաբանություն:

Отправить комментарий