 |
| Լուսանկարը՝ Նարեկ Խաչատրյանի |
Ուսումնական ճամբարի
նախագիծը մշակվել է նախագծային ուսուցման ճամբարի ընթացքում, որից հետո ներկայացվել
սովորողներին, ովքեր ցանկության դեպքում ինտեգրվել են ճամբարի աշխատանքներին: Սովորողները
ծանոթացել են իրականացվող նախագծին, կատարել նախապատրաստական աշխատանք, դիտել են Ամուլսար
հիմնախնդրի մասին պատմող ֆիլմը:
Հաջորդիվ արդեն Ջերմուկ
քաղաքում սովորողները ծանոթացել են բնակավայրի գործունեությանն ու նշանակությանը, անցել
տեսարժան վայրերով, շփվել տեղացիների հետ ու լսել նրանց կարծիքը Ամուլսարի վերաբերյալ:
Տեղացիների հետ շփման հարցում առանձնահատուկ կարևոր է Մ. Գորկու անվան հիմնական դպրոցի
սովորողների ու դասավանդողների հետ հանդիպումը: Մոտ մեկ ժամ տևած հանդիպման ժամանակ
մենք ներկայացրեցինք կրթական բաց ցանցը, մեր ճամբարի նպատակը, լսեցինք սովորողների
ու դասավանդողների կարծիքները Ամուլսարի խնդրի վերաբերյալ, կիսվեցինք մեր մտահոգություններով
և զուգահեռներ անցկացրեցինք Դալմայի ու Ամուլսարի միջև: Այնուհետև Արատեսի դպրական
կենտրոնում համատեղ ուսումնական ճամբար անցկացնելու պայմանավորվածությամբ շփումը տեղափոխեցի
դպրոցի պատերից դուրս: Սեբաստացիների ու ջերմուկցիների մի մեծ խումբ մոտ 5 կիլոմետր
քայլարաշավով հասավ հանրահայտ Ջերմուկի ջրվեժ: Որից հետո սովորողները իրենց ուժերը
չափեցին ֆուտբոլային դաշտում: Ճամփորդության ընթացքում այցելեցինք նաև Կեչուտի ջրամբար,
որտեղ ներկայացվեց նաև ջրամբարի գործունեությունն ու նշանակությունը:
Ճամբարային գործունեության վերջին օրը՝ Մայիսի 11-ին, Ջերմուկ քաղաքում տեղի ունեցավ
տպավորիչ ավտոերթ դեպի Արենի գյուղ, որտեղ բողոքի ակցիային միացան նաև Երևանից եկած
ակտիվիստները: Հանգամանքների բերումով մենք ևս մի փոքր հատված անցանք ավտոերթի միջոց;
Եռօրյա գործունեության միակ բացթողումը կոնկրետ հանքավայրում չլինել էր, քանի որ հաշի առնելով դեպքերի զարգացումը՝ ղեկավարությունը
չափազանց խիստ հսկողություն էր սահմանել, իսկ մեր խնդրանքին այդտեղ բաց դաս անցկացնելու,
պատասխանատու անձիք մերժեցին՝ մեր իսկ անվտանգությունից ելնելով։
Ճափարդության նպատակն է Ստամբուլի գործընկեր դպրոցների սովորողներին ու դասավանդողների համար ուսումնահայրենագիտական արշավ կազմակերպելը: Ճափորդությունը անցնելու է Գեղարքունիքի ու Տավուշի մարզերում: Ի սկզբանե կուղևորվենք դեպի Սևանա թերակղզի, որտեղ հյուրերը հնարավորություն կունենան այցելել Սևանավանք և վերապերել 921 թ-ի Սևանի ճակատամարտը: Սևանա թերակղզում կներկայացվի նաև լճի ծագման մասին տեղեկություն և կներկայացվեն լճի ներկայիս էկոլոգիական հիմնախնդիրներին: Սևանա թերակզղուց հետո անցնելով Արեգունի լեռների միջոց անցնող թունելով կհայտվենք Տավուշի մարզում: Տավուշում առաջին կանգառը նախատեսված է Պարզ լճի մոտակայքում: Փոքր ինչ հիանալով բնական գեղեցիկ տեսարանով կուղևորվենք դեպի Գոշավանք: Հետագա ճանապարհը դեպի Ճամբարակ անցնում է Աղստևի վտակ Գետիկի գեղեցիկ հունով: Ճամփորդության վերջին կանգառը նախատեսված է Սևանի Ժայռ ճամբարում, որտեղ հյուրերը հնարավորություն կունենան նաև ծանոթանալու ճամբարային տարածքին ու հնարավորություններին: 
