Մաքրության համաշարհային օրը

 Մոլորակի մաքրման խնդիրը, արդյունաբերական, գյուղատնտեսական, կենցաղային ու դեղագործական թափոնների առկայությունը վաղուց արդեն դարձել են համամոլորակային հիմնախնդիր: Քաղաքային աղբավայրերը՝ 21-րդ դարի հրեշները, ոչ միայն հսկայական տարածք են զբաղեցնում, այլև վտանգ են ներկայացնում մարդկանց առողջության համար՝ հանդիսանալով ստորջրյա աղբյուրների աղտոտման և թունավոր գազերի արտանետման հնարավոր պատճառ: Աղբի ու թափոնների  խնդրի ծավալները ուղղակի դառնում են անհասանելի:

Աղբի ու թափոնների առկայությունը խոսում են տան, քաղաքի, երկրի ու մոլորակի լքված ու անտեսված լինելու մասին:

«Մաքրենք մոլորակը աղբից» համաշխարհային ակցիան առաջին անգամ անց է կացվել 1993թ.-ին, Ավստրալիայի մի շարք բնակիչների ջանքերով, ովքեր մի ամբողջական ափ մաքրեցին աղբից: Աստիճանաբար նրանց միացան նաև այլ երկրների կամավորականներ, իսկ այժմ այս ակցիային մասնակցում են միլիոնավոր մարդիկ ավելի քան 100 երկրներից:
Առաջին հերթին աղբից մաքրվում են հանգստի վայրերը՝ լողափերը, այգիները, ջրամբարները, գետերի ափամերձ շրջանները: Ակցիաները անց են կացվում հետևյալ կարգախոսերով՝ «Թափոնները ելք չունեն», «Այգի աղբանոցի փոխարեն», «Գրոհ պլասիկի վրա»:

Աղբյուրը՝ herzenlib.ru

Անմասն չմնալով համաշխարհային տենդենցին և հարգանքի տուրք մատուցելով 25 տարի առաջ այս գործ սկսած ավստրալիացի կամավորականներին՝ այս տարի «Մխիթար Սեբաստացի» կրթահամլիրի խումբը ևս հանդես կգա «Մոլորակը մաքրելու փոքրիկ նախաձեռնությամբ»: Համագործակցելով NABU միջազգային  կազմակերպության հայաստանյան գրասենյակի հետ՝ ձեռնամուխ կլինենք Բուսաբանական այգում Գետառ գետի հարակից տարածքի մաքրման աշխատանքներին: